Ferizaj.26.10.2017. Studentët e vitit të tretë të Fakultetit të Inxhinierisë Industriale me Informatikë dhe të Menaxhmentit Industrial, morën pjesë në Panairin e 43 – të Ndërkombëtarë të Metalurgjisë, Elektroteknikës, Energjisë, Jo-metaleve, Ndërtimtarisë, Mbrojtjes dhe sigurisë “Tehnoma 2017”, në Shkup.
Në këtë Panair, studentët patën rastin të njihen për së afërmi me teknologjitë dhe ekonomitë e shumë vendeve, krahinave dhe rajoneve. Po ashtu, patën rastin të njoftohen me produktet e prodhuesëve të mëdhenjë, të mesëm dhe të vegjël nga rajoni dhe më gjërë.
Panairi “Tehnoma”, është panairi më i pasur që bashkon përfaqësuesit e prodhuesëve të mëdhenjë vendas dhe të huaj nga fushat e metalurgjisë, inxhinierisë elektrike, energjisë, jo-metaleve dhe industrisë së ndërtimit.
Gjatë qëndrimit në Panair, studentët ishin të shoqëruar nga dekanët e tyre, Ismet Malsiu dhe Fatmir Çerkini, si dhe profesori Halit Mehmeti.
