“Është denoncuar kjo deri te të gjitha departamentet e komunës dhe më tej. Problemi zvarritet, ndërsa zgjidhje nuk ka. Kjo reflektohet në mësim për shkak se ka qen endacak që vijnë pas tyre deri këtu. E di se me anë të këshillit të prindërve dhe bordit të shkollës është miratuar vendim, por diku nëpër institucione kjo çështje ka ngecur”, tha Toni Saveski, Drejtor i ShF “Josip Broz Tito”.
Nxënësit thonë se në oborr kundërmon erë e keqe dhe se kanë frikë.
“Kam pak frikë, sepse disa ditë më parë isha te fusha e sportit, disa qen erdhën dhe na u lëshuan njëri na ndoqi pas dhe u desh të fshihemi në një oborr”.
“Unë mendoj se ky nuk është vendi i duhur për qentë”.
Personi i cili përkujdeset për shtatë qentë e tij, thotë se nuk janë të rrezikshëm. Ai pretendon se oborri i Shkollës është pronë e tij. Një pjesë ku janë vendosur qentë i është kthyer, ndërsa për pjesën tjetër është ankuar në gjykatën e Strasburgut.
Nga komuna e Strugës thonë se disa herë në vitet e fundit kanë kërkuar që me ndihmën e policisë ose me ndihmën e inspektoratit komunal dhe shtetëror ti largojnë qentë. Por asnjëri nga autoritetet kompetente nuk ka ndërmarrë masa./Alsat-m
