Tekefundit, jetët tona janë në duart e tyre (në kuptimin e vërtetë të fjalës), sidomos kur bëhet fjalë për kirurgët.
Ndaj për t’u siguruar që do të ketë të bëjë me më të zotët, spitali qendror në qytetin japonez të Kurashakit e çoi në ekstrem provimin për kandidatët e rinj, duke shkuar përtej intervistave të zakonshme të punës.
Këtë vit spitali vendosi tri teste të vështira për të provuar shkathtësinë e duarve të të sapodiplomuarve të cilët synonin të punësoheshin aty.
Në provën e parë, kandidatët duhet të krijonin një lejlek 5 milimetra prej letre (origami) brenda 15 minutash. Misioni i dytë kishte të bënte me ribashkimin e një insekti që i kishte organet të ndara, po në 15 minuta kohë. Kurse në provën e tretë kandidatëve iu kërkua të krijonin një sushi me vetëm një kokërr oriz (gjithashtu brenda 15 minutash).
