Ditëve të fundit, televizioni lokal RTV TEMA, ka publikuar një pjesë nga i gjithë sondazhi për garën zgjedhore në Ferizaj, ku kandidati me mbështetjen më të madhe për Kryetar të Komunës së Ferizajt, sipas këtij sondazhi del, kandidati i PDK-së, z. Agim Aliu.
Shprehur në përqindje janë këto të dhëna:
Agim Aliu (PDK) 34.22%
Faton Topalli (LVV) 32.00 %
Muharrem Svarqa (LDK) 26.67%
Xhavit Zariqi (AAK) 3.33%
Amir Rexhepi (AKR) 2.44%
Të tjerët 1.34%
Hulumtimi ka përfshirë 450 mostra në qytet dhe në shumicën e fshatrave të Ferizajt, dhe është realizuar në periudhën nga 1 deri më 14 Tetor 2017, ndërkaq ka përfshirë 51.11% të mostrave në qytet dhe 48.89% në fshatra.
Sipas disponimit momental të votuesve, del se gjasën që garën për të parin e qytetit ta vazhdojnë në rrethin e dytë (balotazh) e kanë kandidatët Agim Aliu (PDK) dhe Faton Topalli (LVV), duke marrë parasysh disponimin e të intervistuarve deri më 14 Tetor 2017, kur edhe përfundoi procesi i mbledhjes së të dhënave nga terreni.
Besueshmëria e deklaruar e hulumtimit është 95%, ndërkaq margjina e gabimit E = 4.61%.
