Valon Ramadani është deputet i Vetëvendosjes që ka marrë besimin e partisë për të kandiduar për kryetar të Komunës së Ferizajit. Por, çka ndodhi me pasurinë e tij që u shkri për 3 milionë e 395 mijë euro?
Deputet Ramadanit gjatë ditës së sotme i doli një këngë e para 13 viteve kur i këndonte në versionin tallava “Allahut” për festën e Bajramit.
Sidoqoftë, ajo që bën bujë të madhe është deklarata e tij në Agjencinë Kundër Korrupsionit [AKK], në të cilën për vite me radhë kishte deklaruar pasuri milionëshe.
Në vitin 2020, në seksionin e Pasurisë së Paluajtshme, ai kishte deklaruar pasuri të paluajtshme në vlerë prej 3 milionë e 480 mijë e 265 eurove, përcjell Periskopi.
Por, në vitin 2021, në seksionin e Pasurisë së Paluajtshme, Valoni ka deklaruar pasuri në vlerë prej vetëm 85 mijë eurove.
Kjo nënkupton, se pasuria e tij marramendëse u shkri për 3 milionë e 395 mijë euro.
Pasuria e tij e luajtshme ndërkohë nuk ka ndryshuar, duke pasur të njëjtat vetura me të njëjtat çmime. /Periskopi
