Një shtetas shqiptar kishte krijuar në shtëpi një plantacion për kultivimin e marihuanës. Ai jetonte së bashku me një tjetër, por shoku nuk e dinte se në banesë kishte një serë me lëndë narkotike.
Sipas policisë italiane, shqiptari e kishte fshehur derën e serës prapa një pasqyre.
Ndërkohë, mediet vendase shkruajnë se bëhet fjalë për një 25-vjeçar, i cili punonte si hidraulik.
Gjatë kontrollit të bërë në shtëpinë e shqiptarit, policia gjeti dhomën e veçantë që fshihej prapa pasqyrës.
Ai kishte mbjellë gjashtëdhjetë bimë kanabis, të të gjitha madhësive, deri në një metër e gjysmë. Ndërkohë, 25-vjeçari përfundoi në burg me akuzën e kultivimit të lëndëve narkotike.
