Policia e Kosovës sot rreth orës 18:50 në rrugën “Driton Islami” në Ferizaj ka ndaluar shoferin A.G. (24), i cili ka drejtuar veturën nën masën mbrojtëse, ku me ligjin e ri për trafikun parashihet gjobë, vazhdim i masës mbrojtëse, pikë negative dhe konfiskim i automjetit.
Ndaj shoferit policia ka shqiptuar gjobë 500 euro, pesë pikë negative, vazhdim i masës mbrojtëse edhe për gjashtë muaj, si dhe i është konfiskuar përkohësisht automjeti.
Policia e Ferizajt fton qytetarët që për të gjitha kundërvajtjet në komunikacion, të njoftojnë stacionin më të afërt policor apo përmes aplikacionit digjital “Lajmëro Policinë” dhe në numrat kujdestarë 192, 0290/326-250, 0290/322-406. Të dhënat e tyre do të ruhen në konfidencialitet të plotë.
