Policia e Kosovës ka ndëshkuar një shofer për tejkalim ekstrem të shpejtësisë në Ferizaj, raporton Gazeta Sinjali.
Sipas njoftimit zyrtar, rasti ka ndodhur sot, më 25 korrik 2025, rreth orës 01:00, në rrugën “Enver Topalli”, në hyrje të fshatit Greme.
Shoferi B.A., 19 vjeç, është ndaluar nga Njësia e Komunikacionit Rrugor teksa po drejtonte një automjet të tipit Golf me targa vendore, me shpejtësi 150 km/h, në një zonë ku kufizimi i lejuar është vetëm 40 km/h.
Policia ka marrë masa të ashpra ndaj tij: Gjobë prej 500 euro, 5 pikë negative, ndalim i drejtimit të automjetit për 12 muaj dhe përjashtim nga trafiku.
