13 janar 2017 . Shkelja e Ligjit mbi festat zyrtare në Republikën e Kosovës nga ana e Komunë së Shtërpcës
Festohet VITI I RI SERB Shkelja e Ligjit dhe e Kushtetutës së Kosovës, nga ana e Komunës së Shtërpcës vazhdon me avazin e vjetër.
Sot në kundërshtim flagrant me Ligjin nr. 03/L-064, mbi festat zyrtare në Kosovë, Komuna e Shtërpcës nuk punon, kjo pasi komuna e Shtërpcës ka dhënë pushim për punëtorët e saj, me rastin e vitit të ri serb, i cili festohet me 13 janar të çdo viti.
Kjo nuk është shkelja e vetme që iu bëhet Ligjit për Festa Zyrtare dhe të Ligjit për Qeverisje Lokale, kryetari i Komunës z. Bratislav Nikolic, pa asnjë lloj kompetence ka vendosur që administrata komunale të mos punoj edhe në dhjetëra raste brenda tre – katër muajve.
Kujtojmë se Komuna e Shtërpcës nuk punoi as me datë 5 e 6 janar – për shkak se siç thuhet të festës se krishtlindjeve ortodokse, për të cilën ligji parasheh të jetë vetëm 7 janari festë.
Deri më tani komuna jonë fëston të gjitha festat në kalendarin zyrtar të Republikës së Serbisë. Shkelja e Ligjit Nr. 03/L-064, për Festat Zyrtare të Kosovës, tani më është bërë traditë, përgjatë gjithë vitit kjo Komunë pushon me dhjetëra ditë, edhe pse Ligji për Festat Zyrtare, e përcakton qartë mënyrën se si dhe cilat ditë janë ditë pushimi. Neni 7, I këtij ligji thotë, se Komuna ka të drejtë që pos festave të përcaktuara me ligj, ka të drejtë të ketë ditë pushimi vetëm “Ditën e Komunës” Neni 7 Kuvendet komunale mund të përcaktojnë ditët e komunave të tyre si dhe ditët memoriale të komunave në harmoni me këtë ligj Festat zyrtare në Kosovë janë:
1. a) Viti i Ri-1 dhe 2 janari;
2. b) Dita e Pavarësisë së Republikës së Kosovës, 17 Shkurti;
3. c) Dita e Kushtetutës së Republikës së Kosovës,
9 Prilli; 4. d) Dita Ndërkombëtare e Punës,
1 Maji;
5. Dita e Evropës,
9 Maji;
6. Bajrami i Madh, dita e parë;
7. Bajrami i Vogël, dita e parë;
8. Krishtlindjet Katolike, 25 dhjetor;
9. Krishtlindjet Ortodokse, 7janar;
10. Pashkët Katolike, E hëna e Pashkëve;
11. Pashkët Ortodokse, E hëna e Pashkëve.
A e din kush çka festohet sot në Shtërpcë???
Deri më sot nuk kemi parë në asnjë rast të vetëm që të ketë ndonjë mas nga Ministria e Pushteti Lokal, media apo organet kompetente për të trajtuar shkeljen e vrazhdët të ligjeve të Republikës së Kosovës nga ana e Komunës së Shtërpcës Ftojm Ministrinë e Pushtetit Lokal që konform ligjit të ndërrmar masa ndaj shkelsëve të ligjit dhe Komuna e Shtërpcës të ju kthehet normalitetit dhe të jetë në shërbim të plotë ndaj të gjithë qytetarve të saj.
Iniciativa e Studentëve dhe Intelektualëve të Rinj – Shtërpcë . Departamenti i Informimit
