Shtyllat e një ure në afërsi të Kaçanikut, ku janë duke u bërë punimet në autostradën Prishtinë-Shkup, nga kompania “Bechtel-Enka”, janë rrëzuar. Krejt kjo është shkaktuar pas një shembjeje të dheut, që ka ndodhur në atë pjesë. Nuk dihet se a ka pasur njerëz të lënduar.
Punimet e kompanisë “Bechtel-Enka”, në autostradën Prishtinë-Shkup, nuk janë duke ecur mirë. Në afërsi të Kaçanikut janë shembur dy shtylla të një ure.
Krejt kjo duket se ka ndodhur nga shembja e dheut në këtë vend.
“Po ma merr mendja qe Bechtel-Enka ka me na tregu se çka ka ndodhe ne afërsi te Kaçanikut pas një shembje dheu. Siç shihet ne foto (sot) një shtylle e urës ka pësuar lëvizje te mëdha. Shpresoj se nuk ka te lënduar”, ka shkruar gazetari Fatos Bytyqi, që i ka postuar edhe fotografit nga vendi i ngjarjes.
