Ka kohë që qarkullojnë thashetheme për ndarjen e çiftit të këngëtarëve, Seldi Qalliu dhe Mimoza Shkodra.
Ndërsa, siç bën të ditur Prive.al, në natën e parë të “Dance with Me”, këngëtari e ka pranuar ndarjen.
I pyetur nëse është akoma bashkë me Mimozën, Seldi citohet të ketë thënë: “Është e vërtetë që unë dhe Mimoza nuk jemi më bashkë”.
“Kam respekt për Mimozën dhe familjen e saj për gjithë kohën e kaluar bashkë. Kështu paska qenë e shkruar”.
Pas romancës së filluar, Seldi dhe Mimoza u fejuan dhe pritej që të bënin hapin e madh, mirëpo duket që kjo nuk do të ndodhë.
Krahas afërsisë në jetën private, dy këngëtarët realizuan edhe disa projekte shumë të suksesshme edhe në jetën profesionale.
“Dashni” dhe “Sa kujtime” janë këngët që u bënë hite nga Mimoza Shkodra dhe Seldi Qalliu.
