Deputeti i Lidhjes Demokratike të Kosovës, Adem Salihaj, e ka komentuar futjen e veteranëve të UÇK’së, në sallën e Kuvendit gjatë javës së kaluar. Ai ka thënë se veteranët u futën në ambientet e Kuvendit me dijeninë e Kadri Veselit.
Sipas tij hyrja e përfaqësuesve të shoqatave të dala nga lufta ishte një skenar për t’i shantazhuar dhe për t’i kërcënuar deputetët.
“Ajo që ndodhi në seancën e fundit vërtet ishte një skenar shumë i çuditshëm. Të gjithë e dimë se Gjykatën Speciale e kanë votuar pothuajse të gjithë deputetët e PDK-së. Po ashtu e dimë se ajo që ndodhi në seancën e fundit, nuk ka mundur të ndodhë pa dijen dhe miratimin e Kadri Veselit, sepse askush nuk mund të hyjë në sallën e Kuvendit pa kaluar nëpër disa procedurai”, tha Salihaj.
Ndërkohë që Seanca e fundit të Kuvendit të Kosovës u ndërpre pas parashtrimit të kërkesës për rikthim në rishqyrtim dhe plotësim të Ligjit për Gjykatën Specialen në Kuvendin e Kosovës.
