Është vetëm 20-vjeçar por me një fizik të hatashëm. Rron Ramadani po ngjit furishëm hapat e suksesit në hendbollin kosovar e rajonal.
Lojtari i cili u zgjodh si më i miri në mbrojtje për vitin 2016 nga Federata e Hendbollit të Kosovës, e ka një të ardhme të ndritur.
Rroni, i cili luan në pozitën e qendrës (pivotit) aktivizohet me Kastriotin e Ferizajt, skuadër e cila ka grumbulluar 20 pikë këtë edicion dhe gjendet në pozitën e tretë.
Ai model karriere ka reprezentuesin hungarez, Timuzsin Schuch, një nga hendbollistët më të mirë në Evropë për momentin.
Për të parë më shumë talentin e Ramadanit, mund të shikoni një përmbledhje nga aksionet e tij.
