Ndërkohë të dhënat e fundit nga viti 2017 tregojnë se kjo përqindje ngjitet deri në 36 për qind. Gjinekologët paralajmërojnë se mosha e nënës e rrit rrezikun e shtatzënisë dhe ndikon në gjendjen shëndetësore të fetusit.
Nëse një 25 vjeçare ka shansin 1 në 1,800, të ketë një fëmijë me sindromin e Daunit, do të thotë 1.800 femra nga 25 vjet ti renditni dhe njëra do të ketë një fëmijë me sindromin e Daunit. Në moshën 40 vjeçare kjo është 1 në 100, në 45 vjet kjo është 1 grua në 30 gra. Faktor shumë i rëndësishëm është mosha e nënës – tha Kristina Skeparovska, gjinekologe në Spitalin gjinekologjik “Nëna Terezë”, Çair.
Fenomenin që ka kapluar vendin, sociologët e lidhin me shumë faktorë si pozita e gruas në shoqëri dhe gjendja ekonomike në të cilën jeton.
Kjo ka të bëjë me shkatërrimin e sistemit tradicional të vlerave, filloi një proces i shpejtë i ndryshimeve të cilat thellë hynë në ato sfera, gratë janë të emancipuara, dhe janë në proces të karrierës, në procesin e edukimit, pastaj pozicionohet në shoqëri, dhe lindja në vetvete do të thotë ndalim i një pjese të atyre aktiviteteve që kanë të bëjnë me komunitetin e gjerë – deklaroi sociologu Ilija Aceski.
Sipas të dhënave zyrtare të Entit Shtetëror të Statistikës në vitin 2016 mosha mesatare e nënave në vend që kanë lindur fëmijën e tyre të parë është 27 vjet. Mosha mesatare e femrave në numrin e përgjithshëm të lindjeve është 29.4 vjet në zonat urbane, kundrejt 27. 7 vjet në zonat rurale./Alsatm/
