Rrethrrotullimet në Ferizaj në gjendjen se si janë tani janë rrezik permanent për vozitësit dhe një pakujdesi e vogël e tyre mundë të ketë pasoja fatale.
Rrethrrotullimet ,të cilat në Ferizaj u panë si zgjidhje për shkarkim të komunikacionit dhe një lëvizje më të lehtë në gjendjen se si janë, të pa sinjalizuara, mundë të jenë edhe fatale për pjesëmarrësit në komunikacion.
Një i tillë gjendet në magjistralen Ferizaj-Prishtinë, afër HIB petroll, i cili edhe pas një rirregullimi përveç zgjerimit të hapësirës për qarkullim nuk ka asnjë lloj sinjalizimi.
I vetmi sinjalizim që bënë me dije se po i ofroheni një rrethrrotullimi është tabela e cila gjendet hiq më larg se 5 metra nga rrethrrotullimi.
Fakti se ky rrethrrotullim gjendet në një rrugë kryesore, magjistralë, do të duhej të kishte sinjalizime shumë më herët dhe të bënë me dije vozitësit se po i ofrohet një rrethrrotullimi, këtu, as rrethrrotullimi nuk është i sinjalizuar.
Për shkak të ngarkesës gjatë ditës kur edhe shikueshmëria është e mirë, kufizimit të shpejtësisë, kjo nuk paraqet edhe ndonjë rrezik të madh. Por gjatë orëve të natës kur shikueshmëria është e kufizuar, komunikacioni me më pak ngarkesë, atëherë gjërat ndryshojnë.
Shpesh këto situate në orët e vona bëjnë që disa vozitës edhe të rrisin shpejtësinë dhe jo rrallë ndodhë që ky rrethrrotullim shfaqet befasisht para tyre. E kur në afërsi të rrethrrotullimit ka edhe ndonjë makinë në drejtim të kundërt atëherë këto situate mund të përfundojnë edhe me fatalitet .
Qytetarët e Ferizajt ende e kanë të freskët kur në këtë vend pati edhe aksidente e një prej tyre edhe me fatalitet.
Se si duket ky rrethrrotullim mund të shihet edhe në fotot e mëposhtme.
