Në mbledhjen e nëndegës së LDK-së në fshatin Duraj të Kaçanikut burime të brendshme kanë bërë të ditur se ka ndodhur një rrahje në mes të anëtarëve të kësaj dege.
Sipas këtij burimi në këtë rrahje thuhet të jetë i përfshirë kryetari i nëndegës së këtij fshati Xhemshir Beqiraj dhe ish anëtari i kryesisë Adrian Salihaj.
“Në këtë mbledhje ka pas gjuajtje gotash dhe filxhanash mes kryetarit te nëndegës së LDK-së në Duraj , Xhemshir Beqiraj dhe anëtarit te kryesisë së LDK-se në Kaçanik Adrian Salihaj” i ka thënë FeizajPress ky burim.
E tërë kjo sipas këtij burimi është bërë edhe në prani të deputetit Adem Salihaj i cili ishte prezent në këtë mbledhje.
Por në anën tjetër këtë e ka mohuar kryetari ii kësaj nëndege Xhemshir Beqiraj ,i cili tha për FerizajPress ,se të gjitha këto janë të pavërteta dhe dezinformata.
“Nuk ka pasur kurrfarë rrahje e as ndonjë aksident. Kanë qenë vetëm mospajtime në diskutime dhe unë si kryetar nuk vije deri aty që fizikisht të konfrontohem me dikend” tha Xhemshir Beqiraj kryetar i nëndegës së fshatit Duraj të Kaçanikut.
Beqiraj e ka mohuar edhe pranin e deputetit Adem Salihja.
“Jo, nuk ka qenë Adem Salihaj në atë mbledhje” tha Beqiraj.
Bëhet e ditur se kjo mbledhje është mbajtur në restorantin e pishinës “Medi”
