Dy shtetas shqiptarë ranë dje në prangat e policisë italiane, pasi rrahën me shkop bejsbolli një polic në zonën e Folinjos.
Mësohet polici ishte jashtë detyrës dhe po shkonte të merrte djalin e tij nga shkolla kur dy të rinjtë shqiptarë i zunë pritë dhe e rrahën me shkop bejsbolli. Efektivi ka pësuar fraktura të shumta nga goditjet.
Mediat italiane bëjnë me dije se ngjarja ndodhi ditën e djeshme rreth orës 13:00. Agresorët janë të moshave 20 dhe 30 vjeç dhe njëri prej tyre ishte me precedent penal dhe në lirim me kusht.
Ai e rrahu policin në fjalë pasi ky i fundit e kishte arrestuar dikur, kur ai kishte kryer veprën e parë penale. /Shekulli/