Ferizaj.26.01.2018. Gjatë ditës së sotme, kryetari Aliu ka pritur në një takim anëtarët e grupit punues të caktuar ditë më parë për riorganizimin e Klubit të Hendbollit “Kastrioti” – meshkujt.
Në këtë takim, kryetari Aliu është njoftuar për strukturën e re drejtuese të klubit e cila do të ketë këtë përbërje:
1. Lulzim Abazi – Kryetar;
2. Avdullah Isufi – Nënkryetar;
3. Fikret Ibrahimi – Nënkryetar;
4. Fitim Ramadani – Anëtar;
5. Basri Ibrahimi – Anëtar;
6. Ekrem Beqa – Anëtar;
7. Gyner Nuredini – Anëtar;
8. Ismet Shamolli – Anëtar;
9. Betim Tasholli – Anëtar
10. Fatmir Syla – Anëtar.
11. Flamur Salihu – drejtor sportiv
Gjatë ditëve në vijim, struktura drejtuese e klubit do të bëj një raport mbi gjendjen e kësaj organizate dhe hapat që do të ndërmerren për riorganizimin e saj.
Drejtuesit e ri të klubit kanë siguruar kryetarin Aliu se do të angazhohen maksimalisht që klubit t’i kthehet nami i dikurshëm, suksesi dhe trofetë që e bëjnë Ferizajn – Kryeqytet të hendbollit.
Kryetari Aliu është i vendosur të mbështesë fuqishëm KH “Kastrioti”, me qëllim që të rikthehet dinjiteti dhe suksesi i munguar i këtij klubi – ikonë e sportit ferizajas.
