Moti i paqëndrueshëm me reshje të shpeshta të shiut, ka bërë që bujqit ferizajas të kenë sfida në mbjelljen e sipërfaqeve të tyre me misër, gjë që ka vonuar edhe mbjelljet pranverore.
I tillë është edhe bujku Fadil Rexha nga fshati Slivovë, të cilin sot e vizitoi drejtori i Drejtorisë së Bujqësisë dhe Pylltarisë, Burim Bajrami. Drejtori Bajrami u zotua se do t’i dalë në ndihmë bujkut Rexha por edhe bujqve të tjerë, duke investuar si drejtori në hapjen e kanaleve kulluese të tokave që fillon këtë vit, gjë që bënë të tejkalohet kjo sfidë.
