Në Konferencën Ndër-Parlamentare që po mbahet në Maltë, ku po merr pjesë edhe delegacioni nga Kosova, Kryetari i Komisionit për Punë të Jashtme të Kuvendit të Republikës së Kosovës, Elmi Reçica, ka vazhduar të loboi për mbështetje të Kosovës në proceset e Euro-Integrimeve të Kosovës.
“Në margjinat e Konferencës Ndër-Parlamentare në Maltë, pata rastin të zhvillojë një varg takimesh të veçanta me delegacionet e shteteve pjesëmarrëse si dhe me përfaqësues të institucioneve të BE-së dhe të NATO-s.
Me delegacionin nikoqir të Maltës të kryesuar nga z. Luciano Busuttil, kryetar i Komisionit për Çështje Evropiane dhe Punë të Jashtme të Parlamentit të Maltës.
Me delegacionin e Estonisë, z. Marko Mihkelson, Kryetar i Komisionit për Punë të Jashtme të Parlamentit të Estonisë, me znj. Keit Pentus Rosimannus, zëvendës Kryetare e Komisionit për Punë të Jashtme, z. Luciano Busuttil, Kryetar i Komitetit të përhershëm për Çështjet e Jashtme dhe Evropiane.
Më tej, me delegacione të tjera shtetërore dhe me përfaqësues të institucioneve të BE-së dhe të NATO-s, z. Øyvind Halleraker, kryesues i Komitetit të Përhershëm për Punë të Jashtme dhe Mbrojtje të Parlamentit të Norvegjisë, z. Karel Schwarzenberg, Kryetar i Komisionit për Punë të Jashtme të Parlamentit të Çekisë, z. Vilhjalmur Bjarnason, anëtar i Komisionit për Punë të Jashtme të Islandës dhe eurodeputet, z. Paolo Alli, anëtar i Komisionit për Punë të Jashtme të Parlamenti të Italisë dhe Kryesues në Asamblenë Parlamentare të NATO-s, z. David McAllister, Kryetari i Komisionit për Çështje Evropiane dhe Punë të Jashtme të Parlamentit Evropian, z. Knut Fleckeistein, anëtar i Parlamentit Evropian dhe ish-Kryetar i Komisionit për Punë të Jashtme në PE.
Në të gjitha takimet e realizuara me delegacionet përkatëse, mes tjerash, diskutuam për thellimin e bashkëpunimit ndëparlamentar ndërmjet vendeve tona si dhe kërkova mbështetjen e vazhdueshme në procesin eurointegrues të Kosovës deri në anëtarësimin e plotë në BE” ka shkruar Reçica.
