Fondi Monetar Ndërkombëtar vlerëson në raportin e fundit se, konsumi privat do të rritet me 3.8 për qind gjatë këtij viti, ndërkohë që në raportin e mëparshëm, atë të muajit maj vlerësonte një rritje të konsumit privat me 3.4 për qind.
Pavarësisht se rritja e konsumit projektohet në rënie, në 2.7 për qind gjatë vitit të ardhshëm, ky projeksion është rishikuar në territor pozitiv në krahasim me 6 muaj më parë, kur vlerësonte një rritje me vetëm 1.5 për qind.
Edhe rritja reale e kërkesës së brendshme rishikohet në territor pozitiv, në 7.4 për qind nga 5.9 për qind gjatë vitit aktual. Një tjetër projeksion pozitiv është ai që i referohet eksporteve. Fondi Monetar Ndërkombëtar vlerëson një rritje me 5.7 për qind të eksporteve.
Fondi Monetar Ndërkombëtar rishikon në territor pozitiv edhe projeksionet për borxhin e jashtëm të vendit dhe ato për borxhin publik. Sa i përket inflacionit, Fondi Monetar Ndërkombëtar, projekton një normë pranë 1.1 për qind gjatë vitit aktual, nga 1.9 për qind që projektonte në muajin maj. /Telegrafi/
.
