Këtë të enjte drejtori i Drejtorisë së Shëndetësie dhe Mirëqenies Sociale në Ferizaj, Dr. Kemajl Emini ka pritur në një takim përfaqësuesit e qendrës së kujdesit ditor “Pema” nga niveli qendror Gani Lluga dhe Liridona Zogaj, si dhe përfaqësuesen e qendrës “Pema” në Ferizaj Marigona Rexhepi.
Në takim u diskutua rreth sfidave dhe problemeve që po ballafaqohen gjate ofrimit te shërbimeve sociale nga stafi i qendrës “Pema” në te gjithë Kosovën, e me theks te veçante në Komunën e Ferizajt.
Dr. Kemajl Emini i falënderoi për punën dhe përkushtimin që kane ndaj kësaj kategorie të fëmijëve me nevoja te veçanta, dhe po ashtu u tha se bashkëpunimi ne mes OJQ-ve ne nivel lokal, do të jete i vazhdueshëm siç ishte deri më tani.
