Nga raporti ditor i Policisë së Kosovës është bërë e ditur se të martën, në orën 12:40, është arrestuar një person i gjinisë mashkullore në Prishtinë. I njëjti dyshohet se ka mbajtur për dy net të strehuar në një lokacion të dyshuar viktimën femër, me qëllim të shfrytëzimit seksual.
“Me urdhër të prokurorit është bastisur shtëpia e të dyshuarit, me ç’rast janë gjetur dhe konfiskuar 1.4 gramë substancë e dyshuar narkotike e llojit kokainë dhe 1.5 gramë substancë e dyshuar narkotike e llojit marihuanë”- thuhet në raportin e policisë.
Pas intervistimit i dyshuari dërgohet në mbajtje.
