Posta e Kosovës ka rritur nivelin e shërbimeve në komunën e Ferizajt. Shërbimet postare në këtë rajon tashmë kanë mbërritur në 98 për qind.
Kështu ka bërë të ditur kryeshefi i Postës së Kosovës, Sejdi Hoxha, gjatë një postimi të tij në rrjetin social facebook.
Hoxha ka bërë të ditur se së bashku me ekipin e tij ka vizituar regjionin e Ferizajt ku u njoftua për arritjet dhe sukseset në zyrat postare të këtij qyteti.
Postimi i plotë i Hoxhës:
Sot së bashku me bashkëpunëtorët e mi vizitova regjionin e Ferizajt. Gjatë kësaj vizite nga menaxheri regjional Luan Jahiri u informova për te arriturat në zyrat postare të këtij regjioni.
Ky regjion është duke ofruar shërbime shumë cilësore tek të gjithë konsumatorët e Postës së Kosovës ku cilësia e shpërndarjes se dërgesave postare është 98%, si dhe cilësia e shërbimeve të tjera është në nivel shumë të kënaqshëm.
Falënderoj të gjithë punonjësit e këtij regjioni për punën dhe përkushtimin e tyre në kryerjen e detyrave të tyre.
Njëra nga sfidat kryesore të këtij regjioni ishte mungesa e punonjësve që i duhet këtij regjioni për të ofruar shërbime, do të mbështes maksimalisht të gjitha kërkesat e regjioneve për të garantuar ofrim cilësor të shërbimeve.
