Policia e rajonit të Ferizajt, ka prezantuar raportin e punës për vitin 2016, ku u tha se gjatë vitit që lamë pas kanë ndodhur 4 vrasje në këtë rajon.
Ndërsa, sipas Policisë, u shënuan 1449 aksidente të natyrave të ndryshme që lanë të vdekur 38 persona.
Drejtori i Policisë në Ferizaj Gazmend Hoxha, tha se këtë vit policia e rajonit të Ferizajt do të përkushtohet në parandalimin e krimit në përgjithësi.
Zëvendësministri i punëve të brendshme Nehat Mustafa, theksoi se Policia e Kosovës ka shënuar progres të madh pas luftës, mirëpo shtoi se duhet të ndërpriten fushatat vetëdijësuese.
Ndërsa kryetari i komunës së Ferizajt Muharrem Svarqa , tha se komuna është e gatshme të liroj prona publike për ndërtimin e nënstacioneve policore në dy fshatra të Ferizajt që kanë popullësi më të madhe.
Në këtë takim u theksua se rajoni i Ferizajt ka nevojë për staf më të madh policor krahasuar me numrin e banorëve në këtë rajon, transmeton Tv tema.
