Aksidentin e ndodhur në magjistralen Ferizaj-Shkup e ka konfirmuar për FerizajPress edhe zëvendësi i Policisë në Ferizaj, toger Agim Gashi.
“Janë 4 të lënduar të cilët kanë kërkuar ndihmë menjëherë në institucionet shëndetësore në Kaqanik. Të lënduarit janë duke u trajtuar dhe policia po merret me rastin.” tha toger Agim Gashi për FerizajPress.
Në magjistralen Ferizaj-Shkup rreth 5 km afër Hanit të Elezit ka ndodhur një aksident mes dy automjeteve. Sipas raportimeve nga lexuesit nga vendi i ngjarjes, ka të lënduar të cilët janë dërguar me vetura private në institucionet shëndetësore.
Shkaktari i aksidentit mësohet të jetë mospërshtatja e shpejtësisë në rrugë.
Rruga ende është e bllokuar dhe raportohet që Policia e Kosovës ka arritur në vend të ngjarjes dhe po merret me rastin./FerizajPress
