Fshati Dardani, Ferizaj 19.01.2017-10:10. Raportohet se gjatë kontrollit në dy shtëpi banimi pronë e të dyshuarit mashkull K/Shqiptar, janë gjetur dhe konfiskuar 3000-5000 kg duhan i papërpunuar, për të cilat i dyshuari nuk posedonte dokumentacion përkatës.
“Pas punës së suksesshme operative në teren dhe mbledhjes së informatave, hetuesit e Sektorit të Hetimeve Rajonale të Ferizajt në bashkëpunim me zyrtarët e Doganës së Kosovës, dje kan realizuar një aksion në fshatin Dardani, ku kan bastisur shtëpinë e të dyshuarit S.T. 43 vjeç , me ç’rast është gjetur një sasi e papërpunuar e duhanit të kontrabanduar – 5.260 kg si dhe makina për bluarjen e duhanit të cilat janë konfiskuar nga zyrtarët e Doganës të cilët do të merren me rastin në vazhdim,thuhet në raportin e policisë.
