Saimir Tahiri u emocionua.
“Më të fortë do bëheni”, iu drejtua Tahiri punonjësve të Policisë së Tiranës. Ndërkohë që punonjësit kishin bërë një pankartë të madhe ku shkruhej “Faleminderit Saimir Tahiri”. Nuk mungoi as një dron i cili u ngrit mbi policinë e Tiranës me një pankartë ku shrkuhej “Faleminderit”, në këtë takim të fundit nuk munguan as lotët e disa punonjësve të policisë dhe Ministrisë së Brendshme.
Supriza e radhës plot emocione ishte nga Rrugorja. Policët e Qarkullimit i dhuruan një bluzë me logon e Rrugores ku shkruhej “S.Tahiri, ministri që bëri ndryshimin”.
Më pas në bluzë firmosën, jo vetëm Drejtori i Policisë së Shtetit Haki Çako, por edhe punonjës të tjerë.
Gjatë një bashkëbisedimi me Rrugoret e Tiranës, prej nga nisi reforma në 2013, Tahiri ka shprehur vlerësim për angazhimin dhe rezultatet.
Ministri i Brendshëm Saimir Tahiri lë detyrën pas më shumë se 3 vite e gjysmë në atë post. Ai e mori detyrën në vjeshtën e 2013, ndërsa tashmë i lë vendin Fatmir Xhafës. /Shqiptarja.com/
