Një person i moshës 30 vjeçare është plagosur sot rreth orës 7:40 në fshatin Gllamnik, komuna e Podujevës, njofton Llapi.info.
Lajmin për Llapi.info e ka konfirmuar Fatmir Potera, rreshter në Stacionin Policor në Podujevë, sipas të cilit i plagosuri është trajtuar në Qendrën Emergjente në Podujevë dhe tani është jashtë rrezikut për jetë.
“Viktima ka marrë dy plagë dhe është trajtuar në Podujevë dhe tani është jashtë rrezikut për jetë”- tha ndër të tjera Potera.
Arsyeja e plagosjes është prishja e fejesës së viktimës me motrën e të dyshuarit.
“Viktima ka qenë i fejuar më motrën e të dyshuarit dhe pas prishjes së kësaj fejese, i dyshuari ka plagosur viktimën.”-shtoi Potera për Llapi.info.
Policia ka kontrolluar shtëpinë e të dyshuarit pasi që policia e dinë identitetin e të tij mirëpo ai akoma nuk është arrestuar.
