Policia ka deklaruar se shtetasi Ilir Lukaj, banues në Vaun e Dejës, është arrestuar pak momente pasi ka kryer plagosjen.
“Menjëherë pasi shtetasi me inicialet M. J., 47 vjeç është paraqitur në spitalin rajonal të Shkodrës, me krahun e gjakosur, policia ka bërë të mundur neutralizimin e agresorit”, thuhet në njoftimin e policisë.
Kjo e fundit ka shtuar se ngjarja dyshohet të ketë ndodhur për motive të dobëta, ndërsa i dëmtuari po merr ndihmën e nevojshme mjekësore dhe ndodhet jashtë rrezikut për jetën, shkruan gazeta Shekulli.
Ndërkohë autori i dyshuar për këtë plagosje, është shoqëruar në Komisariatin e Policisë Vau Dejës për veprime të mëtejshme hetimore.
