Këtë të shtunë organizata joqeveritare “Yjet e Zemrave”, ka mbajtur një takim me familjaret e personave të zhdukur ne Ferizaj, në prag të 30 gushtit-Ditës Ndërkombëtare të Personave të Zhdukur.
Në këtë takim, kryetari i kësaj shoqate Sali Muhaxheri, ka thënë se po punojnë me përkushtim të shtuar që të gjenden të gjithë personat e zhdukur nga Ferizaj, por gjatë këtyre proceseve po hasin në vështirësi të shumta, pasi shteti serb, këtë gjë po e pengon në vazhdimësi.
Ndërsa në emër të Kryetarit të Komunës së Ferizajt, Agim Aliu, i pranishëm në këtë takim ishte drejtori i Drejtorisë së Zhvillimit Ekonomik Balton Dërguti.
Ai ka thënë se Komuna e Ferizajt dhe Kryetari Agim Aliu, janë në përkrahje të vazhdueshme të Shoqatës së Personave të Zhdukur, dhe bashkëndjejnë mungesën e familjareve të zhdukur.
Në Komunën e Ferizajt, janë 42 persona të zhdukur, ku prej tyre kane mbet edhe 15 persona te cilët ende nuk janë gjetur.
