Zyrtarë shëndetësorë paralajmërojnë për rreziqet derisa jepen edhe rekomandime nga IKSHP-ja për veprime konkrete në mbrojtje të shëndetit
Del në mbrëmje për t’i mbledhur në ballkon rrobat që i ka vendosur të thahen gjatë ditës. Por, 41-vjeçarja, Mexhide Hajrizi, i fut brenda ato ndonëse nuk janë tharë mjaftueshëm. Ajo thotë se sapo bie muzgu gjithçka ndryshon në qytezën ku jeton.
“Pluhur e ajër i ndotur. Nëse futet në rroba dhe trup nuk ka që e largon”, thotë gruaja nga Fushë Kosova.
Ajo thotë se gjithë ky pluhur vjen nga termocentralet e që, sipas saj, shkon direkt edhe në mushkëritë e njerëzve.
E ndotja e ajrit konsiderohet si një ndër faktorët që ndikon direkt në shfaqjen e sëmundjeve malinje, kryesisht të rrugëve respiratore. /Zëri/
.
