Qindra bashkëfshatarë , përfaqësues të organeve komunale dhe nga subjektet politike ishin mbledhur sot për të përkujtuar 18 vjetorin e rënies së dy dëshmorëve dhe 5 viktimave të vrarë nga forcat serbe.
Qindra bashkëfshatarë , përfaqësues të organeve komunale dhe nga subjektet politike ishin mbledhur sot për të përkujtuar 18 vjetorin e rënies së dy dëshmorëve dhe 5 viktimave të vrarë nga forcat serbe. Familjarë të viktimave me dhembje kujtojnë datën 3 Prill te vitit 1999 kur fshati u sulmua nga disa anë dhe pësoi dëme të mëdha nga luftimet që zhvilloheshin.
Me këtë rast nënkryetari i Komunës së Ferizajt, Xhavit Zariqi, është shprehur se ata që nderojnë dëshmorët dhe martirët nderojnë vetveten.
“Duke nderuar vetveten keni nderuar gjithë kombin, gjithë sakrificën e atyre që u flijuan për lirinë e Kosovës, lirinë të cilën e gëzojmë sot. Shekuj me radhe shqiptaret kanë bërë përpjekje për liri dhe ne sot përkujtojmë 3 prillin ditën e dëshmorëve dhe martirëve të fshatit tuaj, por edhe 3 prillin ditën e demonstratave të fuqishme të vitit 81 që lirisht mund të themi se ishte fillimi i fundit të një regjimi okupues në Kosovë. Sakrificat e shumë gjeneratave kanë bërë që sot ne të jemi të lirë dhe sakrifica e fundit që kulmoi me lirinë e Kosovës, është lufta e Ushtrisë Çlirimtare të Kosovës që ishte përfshirë nga i gjithë popullit shqiptar, por i mbështetur edhe nga forcat aleate të NATO-s pa të cilat ishte vështirë edhe të çlirohemi”, ka thënë nënkryetari Zariqi.
Të pranishmit në këtë manifestim i kanë përshëndetur edhe përfaqësuesi i fshatit Gaçkë, Shefqet Hajrdini, ndërsa në emër të familjarëve të për pjesëmarrje në këtë manifestim i ka përshëndetur edhe prof. Fetah Halili.
Ndërkaq nxënësit e shkollës së fshatit Gaçkë kishin përgatiture një program të pasur kulturo artistik. Në fund u vendosën kurora të freskëta më lule në pllakën përkujtimore të këtij fshati.
Në fshatin Gaçke ranë për të mos vdekur kurrë dëshmorët Imri Halili dhe Zahir Neziri, ndërkaq martirët e këtij fshati janë: Baki Shabani, Tefik Shabani, Sadik Shabani, Isa Halilin si dhe mysafiri nga Petrova e Shtimes Imer Hyseni.
Fshati Gaçkë i komunës së Ferizajt numëron rreth 300 shtëpi me rreth 2 mijë e 300 banorë te cilët përbëjnë në resurs të kënaqshëm natyror material e njerëzor për zhvillimin e komunës por sipas përgjegjësve të fshatit ende nuk ka inkuadrim të mjaftueshëm të gjithë këtij potenciali në ndërtimin e shtetit.
