Me sukses dhe me rezultate të kënaqshme përfundoi kolonia artistike “ArsFer” në Ferizaj.
Kjo koloni u organizua nga Shoqata e artistëve Figurativ “Zef Kolombi” ku artistë të ndryshëm nga trojet shqiptare si nga Shqipëria, Kosova dhe Maqedonia realizuan punime artistike për tre ditë me radhë në ambientet e Galerisë së Arteve në Ferizaj.
Me mbarvajtjen e kolonisë u ndanë të kënqaur edhe mysafirët artistët pjesëmarrës, ku përveqë realizimit të veprave artistike, krijuan shoqëri të reja dhe shkymbyen përvoja të ndryshme në mes vete.
Në ditën e fundit të kolonisë u hap edhe ekspozita e Kolonisë Artistike “ArsFer” në Galerinë e arteve në Ferizaj, dhe e cila është e hapur akoma për artdashët dhe publikun e gjerë.
Një falënderim për institucionet që mbështetën këtë Koloni Artistike, Ministrinë e Kulturës, Rinisë dhe Sporteve dhe Drejtorinë e Kulturës Rinisë dhe Sportit – Ferizaj.
