Partia Demokratike e Kosovës, dega në Ferizaj, ka ngritur shqetësim në lidhje me ngjarjen e fundit në gjimnazin “Dr.Shaban Hashani”, ku u helmuan 7 nxënës.
Agim Berisha nga departamenti për Arsim i PDK-së në Ferizaj, tha se këtij veprimi të rrezikshëm, i kanë paraprirë disa dukuri që janë shfaqur herë pas here në këtë shkollë.
Berisha shprehet skeptik se edhe kësaj here kryetari i komunës do të marrë masa ndaj udhëheqjes, siç tha ai, të papërgjegjshme që e kanë sjellë arsimin në udhëkryq dhe që e kanë lënë nën mëshirën e fatit.
