Gruas te e cila u gjet fëmija i zhdukur para gati dy javësh i është caktuar masa e paraqitjes në stacionin policor.
Gruas me inicialet L.H. që u arrestua dje, ngase te ajo u gjet fëmija nëntëvjeçar i zhdukur gati dy javë më parë, i është caktuar masa e sigurisë paraqitje në stacionin policor. Ajo po dyshohet se ka kryer veprën penale të trafikimit me njerëz.
Për këtë grua, Prokuroria në Ferizaj kërkoi masën e paraburgimit, por gjykata e këtij qyteti u mjaftua me paraqitje në stacion policor të saj.
L.H. sipas një njoftimi të policisë u arrestua dje në Ferizaj, pasi te ajo u gjet një fëmijë që ishte raportuar i zhdukur më 18 nëntor në Policinë e Istogut.
Fëmija tani u është kthyer prindërve të tij, ndërsa masa e sigurisë për L.H. do të vazhdojë deri më 29 dhjetor./kallxo.com