Një kamikaz hodhi veten në erë mes besimtarëve në vendin e lutjes në Sehwan. Pakistani reagoi me bastisje të gjera në mbarë vendin, madje kritikoi ashpër edhe Afganistanin, që sipas pakistanezëve po toleron militantët të futen në vendet e shenjta.
Sulmin e djeshëm, në fakt e mori përsipër grupi i Shtetit Islamik, e përbën rastin e fundit të një serie bombardimesh nga xhihadistët.
Në kundërpërgjigje, rreth 18 militantë u vranë në provincën jugore të Sindhit, ku ndodhej xhamia e besimit sufist, ndërsa 13 të tjerë në veriperëndim të vendit. Ende nuk ka raporte zyrtare se ku janë vrarë terroristët e supozuar të tjerë.
Ndërkohë, kalimi kufitar me Afganistanin është bllokuar, ndërsa janë lëshuar edhe raketa në drejtim të dy provincave afgane. Funeralet për viktimat u zhvilluan këtë të premte, ndërsa qeveria lokale e Sindhit ka shpallur 3 ditë zie. Nga sulmi i djeshëm mbetën të plagosur edhe rreth 250 persona të tjerë.
Kryeministri pakistanez, Nawaz Sharif dënoi sulmin dhe u angazhua menjëherë se do t’i gjente përgjegjësit. Shefi i ushtrisë së Pakistanit, Javed Bajwa tha në një deklaratë se “do të merret hak për çdo derdhje gjaku në kombin tonë, dhe hakmarrja do të jetë e menjëhershme. Nuk ka më përmbajtje për dikë”.
