Partitë opozitare janë të vendosura në qëndrimin e tyre se marrëveshja për Demarkacionin nuk duhet të ratifikohet në Kuvend dhe se për këtë duhet një komision vendor dhe ndërkombëtar. Ata edhe njëherë kërkojnë shkarkimin e komisionit dhe të Murat Mehës.
Nënkryetari i Aleancës për Ardhmërinë e Kosovës, Pal Lekaj, ka kërkuar edhe njëherë shkarkimin e komisionit qeveritare.
E deklaratave të kryeministrit Mustafa bërë një ditë më parë se marrëveshja për Demarkacionin nuk do të shkojë në Kuvend për ratifikim pa një pajtueshmëri mes partive politike i është përgjigjur edhe Nisma për Kosovën.
Deputeti i kësaj partie, Enver Hoti, ka thënë se deklarata e kryeministrit Mustafa nuk duhet të merret seriozisht pasi janë deklarata që u bënë para 1 prillit. Ai ka thënë se gabimi më i madh ka qenë formimi i komisionit të ekspertëve ndërkombëtar nga presidentja Jahjaga.
E nga Lëvizja Vetëvendosje nuk kanë pranuar të flasin për këtë çështje pavarësisht insistimit të televizionit.
