Edhe pse në kohë pandemie në Repartin e Kardiokirurgjisë vazhdojnë të kryhen operacione urgjente në zemër. Së fundi në këtë repart është kryer një operacion i rrallë në patologjinë: diseksion spontan i arterieve koronare.
Diseksioni spontan i arterieve koronare është një gjendje e pazakontë emergjente që ndodh kur një qarje bëhet në një enë gjaku (arterie) në zemër. Për pasojë mund të ngadalësohet ose mbyllet rrjedha e gjakut në zemër, duke shkaktuar një sulm në zemër, anomali në ritmin e zemrës ose vdekje të papritur.
Me këtë situatë u perball pacientja M.A. 43 vjece e cila me sukses u operua javën e kaluar, në sallën e kardiokirurgjisë të QKUK-së. Ajo vuante nga diseksioni i eneve te gjakut qe ushqejnë muskulin e zemrës ( Arteria koronare e djathte ishte e prekur në pjesën e sipërme dhe të mesme si dhe arteria interventrikulare e perparme ishte e prekur në pjesën e sipërme dhe të mesme ku ishte krijuar hematomë brenda murit të enës së gjakut dhe ishte penguar rrjedhja e gjakut).
Pacientja gjithashtu vuante edhe nga disa sëmundje të tjera që e rrisnin sëmundshmërinë dhe vdekshmërinë.
Ky operacion në zemër, sipas evidencës tone eshte i pari i ketijë lloji në klinikën tonë. Edhe pse teknikisht sfidues dhe që shoqërohet me shkallë shumë të lartë të dështimit ose ndërlikimeve është kryer me sukses në sallën e Kardiokirurgjisë në QKU-Prishtinë nga ekipa operatore :
Dr.Xheladin Rizani
Dr.Rifat Brahimaj
Dr. Endrit Shala
Dr. Doruntina Bunjaku
Inf. I Perfuzionit Bernard Berisha
Inf. instrumentare Lindita Asllani
Dr.Xheladin Rizani thotë se edhe pse në kushte pandemie Klinika e Kardiokirurgjisë me Kardiologji invazive është e gatshme të kryej me sukses operacione komplekse në zemër.
