Presidenti amerikan Barak Obama, ka hedhur edhe njëherë poshtë zëra për dërgim të trupave tokësor në Siri.
Shefi i Shtëpisë së Bardhë theksoi se do të ishte një gabim i madh për SHBA-të dhe Britaninë e Madhe që të dërgonin trupa dhe të rrëzonin regjimin e Bashar al-Asadit.
Sa i takon ISIS-it, Obama tha se “nuk mund të mposhtet përgjatë 9 muajve të fundit që i kanë mbetur atij në postin e Presidentit të SHBA-ve. Megjithatë ‘ne mund t’ua ngushtojmë gjithnjë e më tepër territorin në të cilin ata operojnë”.
Presidenti amerikan, i cili ndodhet për një vizitë treditore në Britani tha se Siria “ndodhet në një situatë që ta copëton zemrën, por edhe shumë komplekse. Ndërhyrja ushtarake si e vetme, e për më tepër që ne të dërgojmë trupa në terren, nuk përbëjnë një zgjidhje ideale”, theksoi Obama
