Nxënësit dhe mësimdhënësit e Shkollës së Mesme për Agrobiznes dhe Teknologji ”Zenel Hajdini”, janë përfshirë së fundi në projektin për mbjelljen e fidaneve të mjedrës në oborrin e shkollës.
Ky projekt shkollor është konsideruar si i domosdoshëm për praktikat agronomike ngase në këtë mënyrë nxënësit aftësohen për punë të pavarura profesionale.
Këtë projekt e kanë vlerësuar me këtë rast nxënësit, arsimtarët dhe drejtuesit e kësaj shkolle.
Ditë më parë Shkolla e Mesme për Agrobiznes”Zenel Hajdini” ka përfituar nga komuna një donacion të fidaneve të mjedrës.Me këtë po synohet që nxënësit sadopak në kuadër të praktikës profesionale të aftësohen për procesin e mbjelljes së kësaj sorte.
Në anën tjetër edhe mësimdhënësit e kësaj shkolle kanë thënë se kjo përbën çështje të realizimit të punës praktike. Mësimdhënësi, Sabri Braha, ka thënë se nxënësit kanë interesim sidomos për pemët e imta ngase një pjesë e nxënësve këto varitete i kanë edhe nëpër ekonomitë shtëpiake.
Ky projekt është vlerësuar edhe nga drejtoria e shkollës, zyrtarët e së cilës kanë thënë se aplikimin për ta përfituar këtë sasi të fidaneve e kanë bërë kohë më parë.
Shkolla e mesme për Agrobiznes dhe Teknologji ’Zenel Hajdini” në vazhdën e rritjes së interesimit të nxënësve për profilet e saja ka nisë nënshkrimin e marrëveshjeve të bashkëpunimit me bizneset e ndryshme të komunës, transmeton Tv Liria.
