Drejtori i NPL “Ambienti” Sh.A Ferizaj, Arton Gavazi, së bashku me Drejtoreshën e PAMKOS-it, Merlina Beu/Muçaj, nënshkruan marrëveshjen e anëtarësimit të NPL “Ambientit” në Asociacionin për Pastërti dhe Ambient të Kosovës PAMKOS, në të cilën janë anëtarë pothuajse të gjitha ndërmarrjet publike, me veprimtari të njëjtë.
“Me këtë marrëveshje synohet bashkërendimi i aktiviteteve sipas fushave respektive, bashkëpunimi dhe koordinimi i punëve në mes të ndërmarrjeve publike dhe përpunimi i të dhënave sipas programeve të unifikuar, avokim dhe lobim, ofrimin e programeve për ngritje të kapaciteteve të ndërmarrjeve në ambient dhe mbrojtje të mjedisit, hulumtime dhe analiza, ndihmon të kemi qasje në informacione direkte lidhur me sfidat, problemet dhe mundësitë të cilat ekzistojnë dhe duhet të adresohen, në nivele më të larta të hierarkisë” thuhet në njoftimin e NPL “Ambienti”
