Drejtoria e Bujqësisë dhe Pylltarisë, filloi projektin për vaksinimin e fondit blegtoral kundër sëmundjeve clostridiale.
Për të parë nga afër nisjen e këtij projekti, doli i pari i bujqësisë, drejtori Burim Bajrami i cili theksoi se do të vaksinohen bagëtitë e imta si dhe gjedhet në fermat komerciale dhe gjysmëkomerciale. Ai shtoi se krahas këtij projekti, do të bëhet edhe mbarësimi artificial i lopëve dhe mëshqerrave si dhe korrigjimi i thundrave tek të gjitha fermat që kanë mbi 5 krerë lopë qumështore, në një afat kohor dy vjeçar, projekte këto që ndikojnë në përmirësimin racor dhe shëndetin e tufës.
