Nisi pastrimi i deponisë së mbeturinave prapa Parkut të Lirisë.Së shpejti nis rregullimi i masivit të gjelbër që i bashkohet Parkut të Lirisë
Punët rreth pastrimit të kësaj deponie të mbeturinave sot i ka përcjellë edhe kryetari i Ferizajt, Agim Aliu.
“Deponia më e madhe ilegale e mbeturinave prapa Parkut të Lirisë, në drejtim të fshatit Balaj, tashmë ka nisur të pastrohet, si aksion pararendës për realizimin e megaprojektit të masivit të gjelbër që do të rregullojmë, pjesë parku që do t’i bashkohet Parkut të Lirisë” ka shkruar Aliu
Qindra tonelata mbeturina të ngurta e të tjera, tashmë janë larguar me makineri të rëndë si pjesë e aksionit të Komunës së Ferizajt dhe organizatës “Let’s do it Kosova”, ku përveç pastrimit, zona do të gjelbërohet, do të jetë e mbikqyrur nga kamerat dhe do të rrethohet, për të mos lejuar të papërgjeshmit që këtë zonë të bukur natyrore, ta shndërrojnë në deponi mbeturinash, ka bërër të ditur kryetari Aliu.
