Që nga sot fillon implementimi i udhëzimit administrativ për ndëshkime me gjoba mandatore.
Promovimi i këtij udhëzimi është bërë nga Ministri i Mjedisit dhe Planifikimin Hapësinor, Ferat shala, Kryetari i Asociacionit te Komunave, Naim Ismaili dhe Koloneli i Policisë, Sheremet Ahmeti.
Ky udhëzim ka për qëllim parandalimin e hedhjes së mbeturinave jashtë vendeve të caktuara për hedhjen e tyre, eliminimin e ndotjes dhe mbrojtjen e mjedisit dhe të shëndetit të njeriut.
Implementimi i këtij udhëzimi fillon së pari në Prishtinë, duke filluar me gjobitje prej 5 eurove për hedhjen e cigares apo të çamçakëzit e deri tek gjoba prej 100 eurove për hedhje të mbeturinave në lumenj, liqene, apo edhe djegien e gomave, njofton Klan Kosova.
Shumë shpejt pritet që implementimi i tij të zgjerohet edhe nëpër të gjitha komunat e Kosovës.
