Ferizaj.10.04.2018. Sektori i Rinisë/Qendra e Rinisë në bashkëpunim me stafin e projektit Youth Career IT Pathway (YCIP) nga Univrzitetin Amerikan në Kosovë me datën 11 prill 2018 në Qendrën e Kulturës nga ora 14:00 organizojnë sesionin e dytë informues në lidhje me mundësin që projekti ofron.
Rëndësia e madhe që ka projekti ka shtyre stafin e Sektorit të Rinisë por edhe vetë stafin e projektit të rikthehen me sesionin e dytë informues me datën 11/prill/.
Ftohen grup moshat nga 18 deri 29 vjeç të të dy gjinive në regjion të Ferizajt të marrin pjesë në sesionin e dytë informues.
Të rinjtë e komunës së Ferizajt do të kenë mundësi të bëhen pjesë e trajnimit dhe aftësimit në fushën e teknologjisë informative dhe aftësive të buta, falë një projekti që financohet nga Qeveria e Luksemburgut, menaxhuar nga Fondacioni Kosovar për Shoqëri Civile, si dhe zbatuar nga instituti i trajnimeve në A.U.K. Ky trajnim do të rrisë mundësitë që të rinjtë të punësohen në fushën e teknologjisë informative apo në zhvillimin e aplikacioneve mobile android dhe teknik të IT-së.
“Projekti ka të bëjë me 100 orë trajnim të përgjithshëm dhe 100 orë në fushën e IT-së. Qëllimi është rritja e punsueshmërisë të grupeve të margjinalizuara që nuk kanë profesion dhe nuk janë të punësuar” ka thënë Dashurije Ahmeti,shefe e sektorit të rinisë në DKRS.
Aplikimi për pjesëmarrje në këtë trajnim mund të bëhet online deri më 20 prill.
