Drejtoria e Shërbimeve Publike dhe Emergjencës njofton qytetarët ferizajas se me datën 19 dhe 20.05.2023 (e premte dhe e shtune) duke filluar nga ora 07:00 [h] do të bëhet mbyllja e përkohshme e rrugës urbane “Ahmet Kaçiku”, konkretisht segmenti prej kryqëzimit me rreth-rrotullim me rrugën “Vëllezërit Gërvalla” e deri te kryqëzimi me rreth-rrotullim te Stacioni Policor Ferizaj, për arsye të asfaltimit të rrugës urbane “Ahmet Kaçiku”.
Rrugë alternative për qarkullimin e automjeteve në komunikacion në këto data mund të përdoren rrugët “Sali Çeku”, “Driton Islami”, “Vëllezërit Gërvalla”, “Xhevë Lladrrovci” dhe rruga për rreth objektit të Stacionit Policor Ferizajt “Bedri Asllani”.
Kjo ndalesë për qarkullimin e automjeteve në rrugën “Ahmet Kaçiku” nuk vlen për banorët rezident të rrugëve anësore urbane “Besim Fazliu”, “Naim Frashëri” dhe “Nazmi Ukzmajli”, meqenëse janë rrugë pa dalje dhe nuk kanë alternativa tjera për lëvizje.
Apelojmë te qytetarët që të shfrytëzojnë rrugët alternative dhe të kenë mirëkuptim deri në përfundimin e punëve, ndërsa nga Policia e Ferizajt kërkojmë që me një intensitet më të shtuar të policëve të kryejnë mbarëvajtjen dhe sigurinë në trafik.
Paraprakisht ju falënderojmë për mirëkuptim
