Të dielën (26 qershor) bëhet dezinsektimi i hapësirave publike nê qytet dhe në fshatra të Ferizajt. Për këtë zyra për informim e komunës ka lëshuar një njoftim për të gjithë qytetarët që orët e mbrëmjes të mbajnë dritaret e mbyllura.Gjithashtu njoftohen të gjithë bletarët që në orët e dezinsektimit të kenë kujdes për bletët.
“Njoftohen qytetarët e Komunës së Ferizajt se të dielën më 26 qershor, nga ora 17.00, do të fillojë dezinsektimi i hapësirave publike. Ndaj, porositen qytetarët, sidomos ata që kanë bletë, që të kujdesen në mënyrë të veçantë për to” thuhet nē njoftimin e zyrës për informim.
