Barcelona është në krizë të rezultateve dhe ballafaqohet me Valencian të dielën në një ndeshje që mund të luajë rol vendimtar në garë për titull në La Ligë.
Barcelona është në krizë, pas dy humbjeve të njëpasnjëshme në La Ligë, gjiganti katalan u eliminua nga Liga e Kampionëve.
Ekipi i Luis Enriques ka aktualisht tri pikë më tepër se Atletico Madrid dhe katër më shumë se Real Madrid në krye të tabelës.
Mirëpo, në rast të një tjetër humbje në takimin e ardhshëm ndaj Valencias të dielën, Barcelona rrezikon seriozisht ta humb La Ligën, shkruajnë mediat madrilene.
Ecuria e Barcelonës në muajin e fundit është brengosëse dhe vazhdimi i trendit të rezultateve negative do të sjellë një skenar të paimagjinuar deri disa javë më parë.
