Drejtoria e Zhvillimit Ekonomik në bashkëpunim me organizatën “Help” gjatë ditës së sotme kanë bërë nënshkrimin e 29 kontratave me gratë përfituese të grantit nga kjo organizatë.
Nënshkrimin i këtyre kontratave është bërë nga drejtuesit e kësaj organizate si dhe drejtori i Drejtorisë së Zhvillimit Ekonomik Balton Dërguti. Me këtë rast Dërguti është shprehur se këto gra janë të gjitha afariste të komunës së Ferizajt.
“Këto përfituese do të pajisen me makina rrobaqepësie, furra për pjekurina te ndryshme, pajisje për prodhime dhe përpunime si dhe pajisje për biznese shërbyese”, tha Derguti, përderisa ka shtuar se përkrahja e grave ne biznes do te jete ne fokus kryesor i Kryetarit Agim Aliu dhe i Komunës së Ferizajt.
